Агенцијата за национална безбедност е самостоен орган на државна управа, основан со цел заштита на националната безбедност на државата, односно заради заштита на независноста, суверенитетот, уставното уредување, основните слободи и права на човекот и граѓанинот загарантирани со Уставот на Република Северна Македонија, како и други работи од интерес на националната безбедност на државата.
Агенцијата своите работи ги врши во согласност со Уставот на Република Северна Македонија, законите и меѓународните договори ратификувани во согласност со Уставот на Република Северна Македонија.
Агенцијата во вршењето на работите од законски утврдената надлежност постапува независно и без влијание од политичките партии.
Контролни тела:
- Јавниот обвинител на Република Северна Македонија
- Судијата на Врховниот суд на Република Северна Македонија кој ја издал наредбата
Надзорни тела:
- Собранието - непосредно и преку надлежни работни тела
- Народниот правобранител на Република Северна Македонија
- Дирекцијата за заштита на лични податоци
- Дирекцијата за безбедност на класифицирани информации
- Државниот завод за ревизија
- Советот за граѓански надзор согласно Законот за следење на комуникациите
- Други органи согласно закон
