Komisioni Parlamentar për Mbikëqyrjen e Punës së Agjencisë së Sigurisë Kombëtare (NSA) dhe Agjencisë së Inteligjencës, më 15 prill 2025, zhvilloi një vizitë pune në ambientet e NSA-së.

Në takim, Drejtori i Agjencisë Kombëtare për Siguri dhe Mbrojtje, Bojan Hristovski, dhe bashkëpunëtorët e tij i informuan anëtarët e Komisionit mbi sfidat aktuale me të cilat përballet Agjencia, aktivitetet që lidhen me bashkëpunimin ndërkombëtar dhe ndërinstitucional, si dhe mbi pajisjet materiale, teknike dhe të personelit.

Kontrollet e sigurisë, monitorimi i komunikimit, procesi i filluar i testimit me poligraf dhe zgjidhja hapësinore për Agjencinë ishin disa nga çështjet me interes për anëtarët e Komisionit.

Në fund të takimit, anëtarët e Komisionit shprehën gatishmërinë e tyre për të mbështetur NSA-në, në kuadër të forcimit të kapaciteteve të saj, me qëllim adresimin në mënyrë adekuate dhe në kohë të sfidave të reja të sigurisë, me qëllim ruajtjen e sigurisë kombëtare të vendit.