Агенција за национална безбедност
За АНБ
Мисија и визија на АНБ
Агенција за национална безбедност
Агенцијата за национална безбедност е самостоен орган на државна управа, основан со цел заштита на националната безбедност на државата, односно заради заштита на независноста, суверенитетот, уставното уредување, основните права и слободи на човекот и граѓанинот загарантирани со Уставот на Република Северна Македонија, како и други работи од интерес на националната безбедност на државата.
Агенцијата своите работи ги врши во согласност со Уставот на Република Северна Македонија, законите и меѓународните договори ратификувани во согласност со Уставот на Република Северна Македонија.
Агенцијата во вршењето на работите од законски утврдената надлежност постапува независно и без влијание од политичките партии.
Директор
м-р Бојан Христовски
Бојан Христовски е третиот директор во Агенцијата за национална безбедност. На позицијата во Агенцијата, која е наследник на претходната безбедносна служба, доаѓа во октомври 2024 година.
Својата кариера во службата, претходно дел од Министерството за внатрешни работи, ја започнува во 2006 година, а на повеќето раководни позиции во истата се наоѓа од 2012 година.
Кус временски период работи надвор од безбедносните служби, во јавниот сектор, но преку академската работа останува посветен на безбедносните ангажмани.
Христовски има завршено постдипломски студии на Факултетот за безбедност при Универзитетот „Св. Климент Охридски“ во 2019 година со труд на темата поврзана со дерекализација на странските борци како дел од мерките за борба против тероризмот.
Во текот на скоро дводецениската професионална кариера, Христовски учествува на бројни меѓународни обуки и студиски престои од кои позначајни се оние поврзани со Маршаловиот план и ЕЛЕА програмите.
Христовски е оженет и е татко на две деца.
„Националната безбедност не е само задача на институциите, туку и заедничка одговорност на сите граѓани. Нашата мисија е да обезбедиме стабилност, интегритет и заштита на државните интереси, водејќи се секогаш од принципите на законитост, транспарентност и професионализам. Во време на глобални предизвици, стоиме цврсто посветени на безбедноста на Републиката и благосостојбата на нејзините граѓани.“
Историска рамка пред основањето на АНБ
Директори од 1991 до 2019
- Слободан Богоевски (1991-1995)
- Добри Величковски (1995-1998)
- Зоран Верушевски (1998)
- Бојан Бојановски (1998-2001)
- Горан Митевски (2001-2002)
- Никола Спасовски (2002-2003)
- Сиљан Аврамовски (2003-2004)
- Миле Зечевиќ (2004-2006)
- Сашо Мијалков (2006-2015)
- Љупчо Андоновски (2015-2016)
- Владимир Атанасовски (2016-2017)
- Горан Николовски (2017-2019)
За АНБ
Агенцијата за национална безбедност (АНБ) е самостојна и професионална институција, основана со цел заштита на уставниот поредок, националната безбедност и интересите на Република Северна Македонија.
Основана во 2019 година, АНБ претставува логичен чекор во процесот на реформа на безбедносниот систем, усогласен со европските и евроатлантските стандарди. Надлежностите ѝ се пренесени од претходната безбедносна служба – Управа за безбедност и контраразузнавање (УБК), која постоеше во рамките на Министерството за внатрешни работи.
АНБ е надлежна за:
-спречување и откривање на шпионажа, тероризам и други форми на насилни закани по безбедноста,
-следење и анализа на ризиците по националната безбедност,
-размена на информации со партнерски служби од земјата и странство,
-поддршка на институциите во спроведување на политики од областа на безбедноста.
Агенцијата работи во рамките на законските овластувања, со вграден демократски надзор од страна на Собранието на Република Северна Македонија и јавноста.
АНБ активно соработува со меѓународни партнери и е дел од безбедносната архитектура на НАТО и европските институции.
Нашата мисија е јасна: континуирана заштита на државата, граѓаните и демократските процеси преку современи, одговорни и правично спроведени безбедносни политики.
Директори на АНБ
- Виктор Димовски (2019 – 2022)
- Зарко Милошевски (2022 – 2024)
- Бојан Христовски (2024 до денес)
Транспарентност
Контрола и надзор
Контролни тела:
Јавен обвинител на Република Северна Македонија
- Судија на Врховен суд на Република Северна Македонија (кој ја издал наредбата)
Надзорни тела:
Јавен обвинител на Република Северна Македонија
Народен правобранител
Дирекција за заштита на лични податоци
Дирекција за безбедност на класифицирани информации
Државен завод за ревизија
Совет за граѓански надзор
Други органи согласно закон
Согласно одредбите од Законот за заштита на укажувачи и одредбите од Правилникот за заштитено внатрешно пријавување во институциите во јавниот сектор, за овластено лице за прием на пријави доставени заради заштитено внатрешно пријавување во Агенцијата за национална безбедност е назначена:
Ирена Ненова Ставрева Закон за Укажувачи
Телефон: 071/213-063 Правилник за заштитено внатрешно пријавување
Email: ukazuvaci@anb.gov.mk
Граѓаните на Република Северна Македонија можат да добијат информации од јавен карактер со пополнување на Барање за пристап до информации од јавен карактер. Барањата можат да се доставуваат до следните службени лица за посредување при остварување на правото за слободен пристап до информации од јавен карактер.
Радица Маневска Закон за пристап до информации од слободен карактер
Телефон: 071/218-449 Барање за пристап до информации од јавен карактер
Анета Доневска Ѓорѓиевски
Телефон: 070/394-353
Офицер за заштита на лични податоци
Телефон: 02/3118-608
Email: ozlp@anb.gov.mk
MK 
EN 
AL